नगराध्यक्षा श्रद्धा रावराणे यांच्या मार्गदर्शनाखाली गणेश विसर्जनासाठी सुरक्षा यंत्रणा सज्ज

तीनही गणेश घाटांवर सेफ्टी जॅकेट, रिंग व रोपची व्यवस्था; नागरिकांच्या सुरक्षिततेला प्राधान्य

वाभवे वैभववाडी :

गणपती विसर्जनाच्या पार्श्वभूमीवर नागरिकांच्या सुरक्षिततेच्या दृष्टीने वाभवे वैभववाडी नगरपंचायतीमार्फत तीनही गणेश घाटांवर आवश्यक सुरक्षा साहित्याची व्यवस्था करण्यात आली आहे. नगरपंचायतीच्या नगराध्यक्षा सौ. श्रद्धा रावराणे यांच्या मार्गदर्शनाखाली विसर्जनाच्या वेळी संभाव्य दुर्घटना टाळण्यासाठी तसेच आपत्कालीन परिस्थितीत तातडीने मदत व बचावकार्य करता यावे, यासाठी विविध उपाययोजना करण्यात आल्या आहेत.
गणपती विसर्जनादरम्यान कोणतीही अनुचित घटना घडल्यास तातडीने बचावकार्य करता यावे, यासाठी सेफ्टी जॅकेट, सेफ्टी रिंग आणि सेफ्टी रोप या सुरक्षा साहित्यांची व्यवस्था तीनही गणेश घाटांवर करण्यात आली आहे.
विसर्जनासाठी येणाऱ्या नागरिकांची सुरक्षितता सुनिश्चित करणे आणि संभाव्य आपत्कालीन परिस्थितीत तत्काळ प्रतिसाद देणे, हा या नियोजनाचा मुख्य उद्देश आहे. नगरपंचायतीच्या वतीने गणेश घाटांवर सुरक्षा उपाययोजनांना प्राधान्य देण्यात आले असून, विसर्जनाच्या वेळी नागरिकांनी प्रशासनास सहकार्य करून सुरक्षिततेच्या नियमांचे पालन करावे, असे आवाहन करण्यात आले आहे.
नगराध्यक्षा सौ. श्रद्धा रावराणे यांच्या मार्गदर्शनाखाली वाभवे वैभववाडी नगरपंचायत प्रशासनाकडून गणेशोत्सव शांततामय, सुरक्षित आणि उत्साहपूर्ण वातावरणात पार पडण्यासाठी आवश्यक खबरदारी घेण्यात येत आहे.