*ज्येष्ठ लेखिका कवयित्री प्रज्ञा घोडके लिखित अप्रतिम काव्यरचना*

*तूच दीपावली…!*

झगमग आरास बघता,

फिटले पारणे डोळ्यांचे..

तन्मय रांगोळी दारात,

ते तोरण तुझ्या दाराचे!…

रोषणाई आग…मागं,

किती घाई नवलाईत!..

आकाशकंदिलात दीप,

झळाळला की प्रभेत!…

पंच-पक्वांनांची घाई,

गोड-मिठाई गोडीत..

झालं बोलणं मधाचं,

मुख उजळून सणात…!

किती लावू लक्ष दीप,

सख्या तुझ्या अंगणात?..

होय! तूच दीपावली,

आज भरून मनात!…

प्रज्ञा घोडके,चिंचवड,पुणे.©®