*ज्येष्ठ लेखिका कवयित्री कला शिक्षिका स्वप्नगंधा सतीश आंबेतकर लिखित अप्रतिम काव्यरचना*
*कृष्णघन नभी दाटले!*
कृष्णघन नभी घनदाट दाटले
अवखळ तयांची लीला चाले
आकाशी धक्कबुक्की गडगड
विद्युल्लतेची तेजाळ कडकड
⛈️
जलथेंब भरभरुन ओघळती
भिजून चिंब चिंब होई धरती
रुद्ररुपी मेघनादे कडकडते
चंचल वीज थरार चमकते.
🌩️
वर्षा नाचते,बेधुंद वार्यासन्गे
नृत्यसौदामिनी,कृष्णमेघासन्गे
घनघनमाला, नभी दाटल्या
थरारती भूमिवरी वृक्षसावल्या.
🌩️
काळोख दाटे,सभोवार परिसरी
पक्षीभयभीत,लपती निजकोटरी
सैरावैरा वनश्वापदे,आसरा शोधती
नाजूकसुमने वेलीवर कोलमडती.
🌦️
नभांगणी लपंडाव सूर्यकिरणांचा
वातावरणी खेळ अन्धारप्रकाशाचा
मृद्गन्ध दरवळ,पुषसुगंध वसुंधरेवर
रुणझुणणारे झरतीअवखळ निर्झर.
🌧️
स्वप्नगन्धा सतीश आम्बेतकर,
कलाशिक्षिका.
