मुख्यमंत्री देवेंद्र फडणवीस यांच्या पुतळा दहनप्रकरणी आंदोलनकर्त्यांवर गुन्हा

आंबा नुकसानभरपाईच्या मागणीसाठी देवगडमध्ये आंदोलन; राज्य महामार्गावर निषेध केल्याचा आरोप

देवगड :

आंबा बागायतदारांना नुकसानभरपाई मिळावी या मागणीसाठी आंदोलन छेडणाऱ्या उबाठा व काँग्रेस पदाधिकाऱ्यांविरोधात देवगड पोलिसांनी गुन्हा दाखल केला आहे. मुख्यमंत्री Devendra Fadnavis यांच्या पुतळ्याचे दहन करून आंदोलन करण्यात आल्याप्रकरणी ही कारवाई करण्यात आली.
आंबा हंगामातील नुकसानभरपाईच्या मागणीसाठी संबंधित संघटनेच्या पदाधिकाऱ्यांनी मोर्चाचे आयोजन केले होते. मात्र मोर्चास परवानगी न मिळाल्यानंतर आंदोलनकर्त्यांनी देवगड परिसरात मुख्यमंत्री फडणवीस यांच्या पुतळ्याचे दहन करत निषेध व्यक्त केला.
या आंदोलनात संघटनेचे अध्यक्ष काका ढोके यांच्यासह उबाठा पदाधिकारी गणेश वाळके, जिल्हा युवक काँग्रेस अध्यक्ष किरण टेंबुलकर, राजेश पाटील, विजय पाटील, काँग्रेस तालुकाध्यक्ष उमेश कुलकर्णी, उबाठाचे स्वीकृत नगरसेवक सुधीर तांबे, तेजस मामघाडी, प्रसाद दुखंडे आदी सहभागी झाले होते.
दरम्यान, Devgad Police Station येथील पोलीस कॉन्स्टेबल रवींद्र महाले यांनी याप्रकरणी तक्रार दाखल केली आहे. राज्य महामार्गावर पुतळा दहन करून नागरिकांच्या जीवितास धोका निर्माण केल्याचे तक्रारीत नमूद करण्यात आले आहे. त्यानुसार संबंधित आंदोलनकर्त्यांविरोधात गुन्हा दाखल करण्यात आला असून पुढील तपास पोलिसांकडून सुरू आहे.