*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री उज्ज्वला सहस्रबुद्धे लिखित अप्रतिम काव्यरचना*

*मन ढगाळ ढगाळ….*

मन ढगाळ ढगाळ,

जसे थंडीत आभाळ !

येता अकल्पित काळ ,

कशी आली ही अवेळ!…१

मौसम असे थंडीचा,

जो धुक्यातून प्रकटे!

निसर्गाचे हे वर्तन,

मना अघटित वाटे !…२

आठव येई सख्याचा,

ज्याची संगत ती न्यारी!

दूरदेशी गेला सखा ,

भेट पुन्हा ना संसारी!…३

अशा या गूढ हवेत,

मन कातर कातर!

काही भूतकाळ खुणा,

मना विसर विसर!…४

उज्वला सहस्रबुध्दे, पुणे