*संस्थापक अध्यक्ष महाकवी कालिदास प्रतिष्ठान पुणे तथा जागतिक साहित्य कला व्यक्तित्व विकास मंचचे सन्मा सदस्य ज्येष्ठ लेखक कवी वि ग सातपुते लिखित अप्रतिम काव्यरचना*

*निष्ठुर शब्द*

〰️〰️〰️〰️

सलोखी शब्द जेंव्हा निष्ठूर होतात

तेंव्हा संयमाचा तोल गेलासे वाटते

तोलूनी , मापूनी विवेके व्यक्त होणे

हे संस्कारांचे प्रांजळ वास्तव असते

आता शब्द , भाव , प्रीत जिव्हाळा

हेच केवळ बेगडी तोंडदेखले वाटते

गैरसमजाचे मळभच जगी संशयाचे

वेदनांचे कोसळणारे आभाळ असते

आपणच केवळ मौनात मुसमुसतो

सांगा नि:शब्दांना व्यक्त कसे करावे

जे शब्दच जेंव्हा निष्ठुर जाणवतात

तेंव्हा संयमाचा तोल गेलासे वाटते

〰️〰️〰️〰️〰️〰️〰️〰️〰️

*विगसा*