*जागतिक साहित्य कला व्यक्तित्व विकास मंचच्या सन्माननीय सदस्या लेखिका कवयित्री अनघा अनिल कुळकर्णी लिखित अप्रतिम काव्यरचना*

*स्नेहाचा मळा* 

शब्द धन गीत मधुर मंजुळ

मने जुळवी अतुट धागा प्रेमळ

हरवलेली नाती येती जवळ

मनामनाची जुळवीतसे नाळ ||१||

शब्दधन संपत्तीचा होता मेळ

अप शब्दांचा न गाठावा तळ

शब्दप्रीत जुळवी प्रेमाचा खेळ

कठोर शब्दांनी न करावे घायाळ  ||२||

सुरेल शब्दांचा जमे ताळमेळ

शब्दच घाली शब्दांचा घोळ

शब्दधन फुलवी स्नेहाचा मळा

रचावी सहज अर्थपूर्ण ओळ ||३||

मनात रुजवावे शब्दांचे मळे

भावसुमनांनी भरावी ओजंळ

ह्रदयी भक्तीपुष्प मंद दरवळे

समर्पित होई भगवंता जवळ ||४||

सौ. अनघा अनिल कुळकर्णी

पुणे🙏