बांदा
मंगेश रघुनाथ कामात चॅरिटेबल ट्रस्ट मुंबईच्या येथील व्ही. एन. नाबर मेमोरियल इंग्लिश मीडियम स्कूल, बांदा प्रशालेच्या विद्यार्थ्यांनी शिवसंस्कार स्पर्धा परीक्षेत उत्तुंग यश संपादन केले. शिवसंस्कार संस्थेतर्फे ही स्पर्धा आयोजित करण्यात आली होती.
या स्पर्धेत प्रशाळेतील ३९ विद्यार्थ्यांनी सहभाग नोंदवला. सर्व विद्यार्थी उत्तम गुणांनी पास झाले. पैकी वैष्णवी गावकर, कृपा वारंग आणि श्रद्धा गावडे यांना उत्तेजनार्थ पारितोषिक मिळाले. गोवा राज्याचे मुख्यमंत्री डॉ. प्रमोद सावंत व आमदार डॉ. चंद्रकांत शेट्ये यांच्या हस्ते त्यांना गौरविण्यात आले. विद्यार्थ्यांना प्रशालेच्या शिक्षिका रीना मोरजकर यांचे मार्गदर्शन लाभले. संस्थेचे अध्यक्ष मंगेश कामत, प्रशालेच्या मुख्याध्यापिका मनाली देसाई सर्व शिक्षक, पालक, शिक्षकेतर कर्मचारी यांनी यशस्वी विद्यार्थ्यांचे अभिनंदन केले आणि पुढील वाटचालीसाठी शुभेच्छा दिल्या.
