कणकवली
स्वातंत्र्यवीर सावरकर गौरव यात्रेला आज कणकवली शहरात उत्स्फुर्त प्रतिसाद मिळाला. आमदार नीतेश राणे यांनी या यात्रेचे नेतृत्व केले होते. शहरातील पटकीदेवी मंदिर येथून यात्रेला प्रारंभ झाला. यात ‘जय श्रीराम’ आणि ‘मी सावरकर’ अशा घोषणांनी शहर दुमदुमले होते.
शहरातील छत्रपती शिवाजी महाराज चौक येथे यात्रेचा समारोप झाला. यात्रेच्या प्रारंभी रत्नागिरी येथील शिवरूद्र ढोल पथकाने शानदार सलामी दिली. तर विविध देखाव्यांच्या माध्यमातून स्वातंत्र्यवीर सावरकर यांचे जीवनचरित्राचे सादरीकरण करण्यात आले. यात्रेतील प्रत्येक सहभागी व्यक्तीने ‘मी सावरकर’ लिहीलेल्या टोप्या, आणि भगव्या शाली घातल्याने संपूर्ण वातावरण भगवेमय झाले होते.
सावरकर गौरव यात्रेत शिवसेना जिल्हाप्रमुख संजय आग्रे, भाजपा जिल्हा उपाध्यक्ष संदेश उर्फ गोट्या सावंत, नगराध्यक्ष समीर नलावडे, सरचिटणीस प्रभाकर सावंत, प्रमोद रावराणे, माजी जिल्हा परिषद अध्यक्षा संजना सावंत, शहराध्यक्ष अण्णा कोदे, शिवसेना तालुकाप्रमुख भूषण परुळेकर, भाजपा तालुकध्यक्ष मिलिंद मेस्त्री, संतोष कानडे, राजश्री धुमाळे, मनोज रावराणे, उपनगराध्यक्ष बंडू हर्णे, सुरेश सावंत, डॉ.मिलिंद कुलकर्णी, भालचंद्र साठे, युवा मोर्चा सरचिटणीस संदीप मेस्त्री, तालुका सरचिटणीस महेश गुरव, बँक संचालक विठ्ठल देसाई आदींसह भाजपा व शिवसेना पक्षाचे कणकवली विधानसभा मतदारसंघातील पदाधिकारी व कार्यकर्ते मोठ्या संख्येने सहभागी झाले होते.
