दोडामार्ग
साटेली-भेडशी येथे एसटी आणि दुचाकीमध्ये झालेल्या अपघातात दोघे जखमी झाले. ही घटना आज सकाळी साडेनऊ वाजण्याच्या सुमारास घडली. विजय गुरव व देविदास टोपले, अशी जखमींची नावे आहेत. दरम्यान स्थानिकांनी चर्चा करून अपघात प्रकरण सामोपचाराने मिटवले.
पोलिसांनी त्याबाबत अपघातातील जखमींकडून माहिती घेतली. अपघातग्रस्त एसटी दोडामार्गहून पाळयेला जात होती. तेथून सोनावलला जावून ती दहावीच्या विद्यार्थ्यांना येथे आणणार होती. पण तत्पूर्वीच त्या गाडीचा अपघात झाल्याने विद्यार्थ्यांना आणण्यासाठी दुसरी गाडी पाठवण्यात आली.
