*आजगाव साहित्य प्रेरणा कट्टा समन्वयक मालवणी लेखक कवी श्री विनय सौदागर लिखित अप्रतिम मालवणी काव्यरचना*

*तुका सोडुचय नाय, पूता*

v/v/s……….

पयली नर्स, मगे आवस

मगे भैन, मगे सास

बगीत गेलय, सोशीत गेलय

जगणां माझा निस्ते भास

मी फक्त बायलमाणूस

जशी चुलीवयली कायल

हुलपान जाता जीव देवा

बुडी आग, वरते त्याल

‘दिसण्या’वरते माप आमचा

परत्येक चूक आमचा पाप

बदालतहत दिस जरी

आमी आवशीच, दादलो बाप

शिकलो आमी, नोकरी करतो

जेवाण करतोच,जल्माक घालतो

हिसेबाक काय लागत नाय

पाणी व्हावता, कळसो पालथो

आस्ते आस्ते बदलातय, पून

काय होया ताच समजाना

प्यांटी घातले, केस कापले

मूळ ताच, दुसरा रूजाना

माझा जगणां मीच ठरयन

तुझा तुका होवनेत लखलाभ

आकाश दोघायक् मोकळा आसा

आधी गुणतय फाटसून तू भाग

जर तूकाच जल्माक घातलय

तुजो वांगड कसो सोडीन

तुका घेवनच फुडे जायन

आडया इल्ला तंगडा मोडीन.

(भोवताल-3…काव्यसंग्रह)

*विनय सौदागर*

आजगाव, सावंतवाडी.

९४०३०८८८०२….३१