कुडाळ :
प्रतिवर्षाप्रमाणे श्री देव कुडाळेश्वर मंदिर कुडाळ येथे पारंपारिक पद्धतीने सोमवार दि. ७ नोव्हेंबर रोजी त्रिपुरारी पौर्णिमा साजरी करण्यात येणार आहे. संध्याकाळी ६ वा. दिपोत्सव आणि त्यानंतर महादिप (पूजन आणि प्रज्वलन करून पारंपारीक पद्धतीने दिपस्तंभावर महादिप चढविण्यात येणार आहे. तरी सर्वांनी हा नयनरम्य देखावा पहाण्यास उपस्थित रहावे असे आवाहन करण्यात आले आहे.त्रिपुरारी पौर्णिमे निमित्त संध्याकाळी ६ वा. विशेष करमणूकीचा कार्यक्रम श्री देव कुडाळेश्वर मित्र मंडळ निर्मित ऑर्केस्ट्रा ‘स्वरगंधार’ सादर करण्यात येणार आहे. श्री देव कुडाळेश्वर मित्र मंडळाच्या लहान-मोठ्या कलाकाराचां व व वाद्यवृंदाच्यां संचामध्ये हिंदि – मराठी गीतांचा कार्यक्रम संध्याकाळी ६ ते रात्रौ ९ वा. सादर करण्यात येणार आहे. तरी रसिक श्रोत्यानी याचा लाभ घ्यावा असे आवाहन मंडळाच्या वतीने करण्यात आले आहे.
