सावंतवाडीतील कारिवडे येथील सर्वसामान्य कुटुंबातील मयुरी मेस्त्री या तरुणीची स्पाईसजेट कंपनीत हवाई सुंदरी म्हणून नियुक्ती झाली आहे. कारिवडे गावात शालेय व माध्यमिक शिक्षण पूर्ण करून तिने बारावी येथील राणी पार्वतीदेवी हायस्कूलमधून पूर्ण केली. त्यानंतर पुणे येथे तीन वर्षांचा महाराष्ट्र राज्य व्यावसायिक शिक्षण मंडळाचा आयआयबीएम कोर्स पूर्ण केला. त्यानंतर लगेचच तिची निवड झाली आहे. पुणे एअरपोर्ट वर तिला नियुक्ती मिळाली आहे.
यानिमित्त राणी पार्वतीदेवी हायस्कूल संस्थेतर्फे तिच्या आई-वडिलांसह गावच्या सरपंच अपर्णा तळवणेकर यांचा मुख्याध्यापक धोंड यांच्या हस्ते गौरव करण्यात आला. यावेळी रामदास झिरपे उपस्थित होते.
