*जागतिक साहित्य कला व्यक्तित्व विकास मंच….लालित्य नक्षत्रवेल समूह सदस्या लेखिका कवयित्री संजना जुवाटकर लिखित अप्रतिम काव्यरचना*

*बैलपोळा*

सण असे आनंदाचा
बैलांसाठी बैलपोळा
होती साजरा करण्या
मुले, माणसेही गोळा ll १ ll

शेतकरी राजा माझा
दिसे खुश आज भारी
कृतज्ञता बैलांप्रती
दाखविण्या संधी न्यारी ll २ ll

काय जाहले तरीही
राबे सर्जा बारा मास
तुझ्या जीवावर खाती
माझी पोरं चार घास ll ३ ll

सर्जा, राजाच्या जोडीला
मिळे आज खूप मान
झुली, बाशिंगे बांधून
शिंगे रंगविली छान ll ४ ll

सण एका दिवसाचा
बाकी वर्षभर काम
कोण ऐकतो व्यथेला
नाही कशातच राम ll ५ ll

वेग वाढण्या कामाचा
उठे आसुडाचा वळ
मुकेपणी सोसतो हा
ऊन – पावसाची झळ ll ६ ll

बळीचेही त्यांच्यासाठी
तुटे तीळ तीळ मन
करी साजरा म्हणुनी
आनंदाने पोळा सण ll ७ ll

सौ. संजना विद्याधर जुवाटकर
कळवा, ठाणे.