नवी दिल्ली :
कोरोना व्हायरसपासून मानवी जीव वाचवण्यासाठी उपचाराचे वेगवेगळे मार्ग शोधले जात आहेत. लसीच्या बरोबरीनेच वेगवेगळया नव्या उपचार पद्धती विकसित केल्या जात आहेत. भारतातही आयसीएमआर लवकरच नव्या उपचार पद्धतीसाठी मानवी चाचणी सुरू करणार आहे. अर्थात, भारतीय शास्त्रज्ञांनी बॅक्टेरिया आणि व्हायरसशी लढण्यासाठी आवश्यक असलेल्या अँटिबॉडी तयार केल्या असून या औषधाच्या क्लिनिकल ट्रायलला डीसीजीआयने मंजुरी दिली आहे.
कोरोना व्हायरसवर उपचारासाठी इंडियन कौन्सिल ऑफ मेडिकल रिसर्च (आयसीएमआर) आणि हैदराबादमधील बायोलॉजिकल ई. लिमिटेड फार्मास्युटिकल कंपनीने मिळून अँटीसेरा विकसित केले आहेत. प्राण्यांमध्ये सार्स-कोव्ह-२ विषाणू सोडून या अँटीसेराची निर्मिती करण्यात आली आहे. अँटिसेरा हे एक ब्लड सीरम आहे. त्यामध्ये एखाद्या विशेष आजाराविरोधात लढण्याची क्षमता असणा-या अँटिबॉडीजचे प्रमाण अधिक असते. कोणत्याही विशेष संक्रमणाशी लढण्यासाठी रोगप्रतिकारक शक्ती लगेच वाढवण्यासाठी माणसांना हे सीरम इंजेक्शनच्या माध्यमातून दिले जाते. सोप्या भाषेत सांगायचे म्हणजे भारतीय शास्त्रज्ञांनी बॅक्टेरिया आणि व्हायरसशी लढण्यासाठी आवश्यक असलेल्या अँटिबॉडी तयार केल्या आहेत. त्याची चाचणी लवकरच सुरू होणार आहे.
अँटीसेराच्या क्लिनिकल चाचण्यांना ड्रग्स कंट्रोलर जनरल ऑफ इंडियाने (डीसीजीआय) मंजुरी दिली आहे. प्राण्यांमध्ये सार्स-सीओव्ही-२ विषाणू सोडून या अँटीसेराची निर्मिती करण्यात आली आहे. आयसीएमआर आणि हैदराबाद स्थित बायोफार्मा कंपनी बायोलॉजिकल इ. लिमिटेडने मिळून अँटीसेरा विकसित केले आहेत. अँटीसेरा हा अँटीबॉडी उपचारांचा एक भाग आहे. घोड्यांमध्ये निष्क्रिय कोविड-१९ विषाणू सोडून या अँटीसेराची निर्मिती करण्यात आली आहे. प्लाझ्मा थेरपीसारखीच ही थेरपी आहे. या प्रकरणात घोड्यांच्या शरीरातून ब्लड प्लाझ्मा घेण्यात येतात. सुरक्षितता आणि परिणामकारकता समजण्यासाठी अँटीसेराची मानवी चाचणी अद्याप सुरु झालेली नाही. अँटीसेरामुळे विशिष्ट संसर्गाविरोधात लढण्यासाठी मानवी शरीरातील रोगप्रतिकारक शक्तीला चालना मिळते, असे आयसीएमआरचे संचालक डॉ. बलराम भार्गव म्हणाले.
घोड्यांच्या शरीरात आढळल्या अँटीबॉडीज
ळसार्स-कोव्ह-२ ची लागण झाल्यानंतर त्यातून ब-या झालेल्या घोड्यांच्या शरीरात अँटीबॉडीज आढळल्या. याच अँटीबॉडीजचा मानवी उपचारांमध्ये वापर करण्यात येणार आहे. घोड्यांमधील अँटीबॉडीजना अँटीसेरा म्हटले जाते. बायोलॉजिकल इ. सोबत मिळून आम्ही घोड्यांमधील अँटीसेराची निर्मिती केली आहे. याच्या क्लिनिकल चाचण्यांसाठी आम्हाला परवानगी मिळाली आहे, असे आयसीएमआरचे संचालक डॉ. बलराम भार्गव म्हणाले.
१० घोड्यांमध्ये सोडण्यात आला होता निष्क्रिय विषाणू
अभ्यासाचा भाग म्हणून १० तंदुरुस्त घोड्यांमध्ये निष्क्रिय सार्स-कोव्ह-२ विषाणू सोडण्यात आला. त्यानंतर २१ दिवसांनी घोड्यांच्या शरीरातील प्लाझ्मा नमुन्याची तपासणी करण्यात आली. त्यामध्ये घोड्यांच्या शरीरात विषाणू विरोधात लढण्यासाठी अँटीबॉडीजची निर्मिती झाल्याचे दिसून आले….
