दोडामार्गात उद्या भव्य रक्तदान शिबिराचे आयोजन

दोडामार्ग

सिंधुरक्तमित्र प्रतिष्ठान सिंधुदुर्ग, शाखा- दोडामार्गची संभाव्य कार्यकारीणीची बैठक दोडामार्ग येथील सुशीला सभागृहात सावंतवाडी-दोडामार्ग तालुका विभागीय अध्यक्ष संजय पिळणकर यांच्या अध्यक्षतेखाली संपन्न झाली.या बैठकीत जागतिक रक्तदान दिन व सिंधुरक्तमित्र प्रतिष्ठान सिंधुदुर्ग या संस्थेच्या वर्धापन दिनाचे औचित्य साधून मंगळवार दि.१४ जून २०२२ रोजी सकाळी ९ ते दुपारी १ वाजेपर्यंत सुशिला हाँल, बँक ऑफ महाराष्ट्र शाखेजवळ तिलारी-दोडामार्ग रोड येथे रक्तदान शिबिराचे नियोजन करण्यात आले आहे.

यावेळी संभाव्य कार्यकारिणी सदस्य विवेकानंद नाईक,कार्यकारणी सभासद सौ.गिताजंली सातार्डेकर, भूषण सावंत, मनोज वझे, संतोष सातार्डेकर, अजित सावंत, रामकृष्ण दळवी, वैभव रेडकर, जयवंत तुळसकर, रामचंद्र ठाकूर, साईराज राणे आदी उपस्थित होते.