जागतिक साहित्य कला व्यक्तित्व विकास मंच सदस्या ज्येष्ठ लेखिका कवयित्री सौ अर्चना मायदेव यांची अप्रतिम काव्यरचना
निळ्या सावळ्या नभांमधूनी खुलली ही सांज
दूर कुठे तरी गाभाऱ्यातूनी ऐकू येई झांज
परवचा चे बोल घुमती घरा घरांमधूनी
आजीचा तो हरिपाठ मग ऐकू येई कानी
देवळा मधूनी वाजत होता आरतीचा चौघडा
आरतीच्या पाठोपाठच मग पुष्पांजली चा सडा
प्रसादास मग येती पुढती इवले इवले हात गडे
त्या हातांवर हळुवार पडती खडी साखरेचे खडे
रात्रीच्या जेवणात असे तो मऊ गुर्गुट्या भात
मेतकूट अन् तूप वाढता आजीचा सढळ होई हात
अंगणात मग पडे अंथरूण चांदण्यांच्या खाली
अंगाईच्या सुरांसवे झोप डोळ्यां सवे बोलली
झोपेतच हे स्वप्न दिसे मज मी आजीच्या कुशीत
गोंजरूनी ती पापा घेई येई मग खुशीत
सौ. अर्चना मायदेव
ऑस्ट्रेलिया
२६/५/२०२२
