जागतिक साहित्य कला व्यक्तित्व विकास मंच सदस्य ज्येष्ठ लेखक कवी मुबारक उमराणी यांची अप्रतिम काव्यरचना

ओढुनि चाबकाचे फटकारे
फटकारे जीवघेणे साहतांना
साहतांना साबतीचे गळफास
गळफास गळा फास वाहतांना

वाहतांना भार जू गाडी गाडा
गाडा जन्मां मुकपणे गिळतांना
गिळतांना वेदना फटकारे असह्य
असह्य दुःख चक्र ते चिरफाडतांना

चिरफाडतांना माणूसकी यातनांची
यातनांची होळी अंग अंग पेटतांना
पेटतांना उडतात रक्त फवारे ऐसे
ऐसे भिजतो, थकतो, थिजतो पळतांना

पळतांना माणुसकी हरवेल्या यात्रेत
यात्रेत हौस, करमणुक, ती मौज मजा
मौजमजा फेसाळेल्या वेसनीत रक्तधार
रक्तधार डोळा पाहे बक्षिसढाल सजा

सजा भोगता माखतो गुलाल अंगभर
अंगभर वेदना झेलीत पहातो नाच
नाच हास्य प्रतिष्ठा नाचणारे झेंडे
झेंडे नाचवणारे बेधुंद टोचते काच

काच मनात ठेऊन सजतो बेंदरात
बेंदरात अंगभर नक्षी शिक्के रंगीत
रंगीत तालमीत नाचतात सोंगे घेऊन
घेऊन मला सोबत ऐकवतात संगीत

© मुबारक उमराणी
राजर्षी शाहू काॅलनी
शामरावनगर, सांगली
मो.९७६६०८१०९७.