मालवण
महाराष्ट्र राज्य प्राथमिक शिक्षक भारतीचा विद्यार्थी गुणगौरव, आदर्श शाळा, आदर्श शिक्षक सत्कार सोहळा व स्नेहमेळावा येथील ओम गणेश साई मंगल हॉल येथे नुकताच झाला. यावेळी जि. प. प्राथमिक धामापूर बौद्धवाडी शाळेला आदर्श शाळा पुरस्काराने सन्मानित करण्यात आले.
या शाळेला शाल, श्रीफळ, व सन्मानचिन्ह देऊन मालवणचे गटशिक्षणाधिकारी संजय माने यांच्या हस्ते सन्मानित करण्यात आले. यावेळी गटविकास अधिकारी जयेंद्र जाधव प्रमुख पाहुणे म्हणून उपस्थित होते. शिक्षक भारतीचे पदाधिकारीही उपस्थित होते. पुरस्कार मिळाल्याने शाळेचे व उपक्रमशील मुख्याध्यापक दीपक गोसावी व सहकारी तंत्रस्नेही शिक्षक नवनाथ पाटील व व्यवस्थापनं समिती अध्यक्षा व सर्व सदस्य व सरपंच सप्तशिला धामापूरकर यांचे सर्व स्तरातून कौतुक होत आहे.
