वैभववाडी
शिक्षण क्षेत्रातील माध्यमिक शिक्षकांची संघटना म्हणून परिचित असणारी सिंधुदुर्ग जिल्हा माध्यमिक अध्यापक संघ या संघटनेचा जिल्हा मेळावा आज सिंधुदुर्गनगरी येथे संपन्न झाला. यावेळी शिक्षणासारख्या पवित्र क्षेत्रात अभ्यासपूर्ण व त्यागमय वृत्तीने कार्याचा आदर्श ठसा उमटवल्या बद्दल अर्जुन रावराणे विद्यालय वैभववाडीचे कलाशिक्षक मंदार सदाशिव चोरगे यांना सिंधुदुर्ग जिल्हा माध्यमिक अध्यापक संघाच्या वतीने ‘आदर्श शिक्षक’ पुरस्काराने सन्मानित करण्यात आले.
यावेळी अध्यापक संघाचे जिल्हाध्यक्ष व कार्यक्रमाचे अध्यक्ष लक्ष्मण पावसकर, कोल्हापूर अध्यापक संघाचे अध्यक्ष बी.डी.पाटील, रत्नागिरी जिल्हा माध्यमिक अध्यापक संघाचे अध्यक्ष सागर पाटील, कोकण विभाग शिक्षक लोकशाही आघाडीचे अध्यक्ष टी.के.पाटील, संघाचे माजी अध्यक्ष व जि.प.सिंधुदुर्गचे माजी शिक्षण व आरोग्य सभापती गुरुनाथ पेडणेकर, महीला आघाडी प्रमुख अश्विनी गर्जे., जिल्हा पदाधिकारी पांडुरंग काळे, संदिप शिंदे, अजय शिंदे व संघटनेचे पदाधिकारी व कार्यकर्ते उपस्थित होते.
