सावंतवाडी:

चराठा-तिलारीकॉलनी येथून एक शाळकरी मुलगा आज सकाळपासून बेपत्ता झाला आहे. दिपराज धनराज सजगुरे (१५), असे त्याचे नाव आहे. दरम्यान नातेवाइकांकडून शोधाशोध सुरू असताना त्याची सायकल येथील जिमखाना मैदान परिसरात आढळून आली. मात्र मुलाचा थांगपत्ता न लागल्याने वडिलांनी सावंतवाडी पोलीस ठाण्यात “तो” बेपत्ता असल्याची खबर दिली आहे.
याबाबत अधिक माहिती अशी की, संबंधित मुलगा आज सकाळी खेळायला जातो असे सांगून घरातून बाहेर पडला. तो दुपारी जेवायला घरी परतला नाही. त्यामुळे त्याच्या नातेवाईकांनी त्याचा सर्वत्र शोध घेतला. यावेळी त्याची सायकल येथील जिमखाना मैदानावर आढळून आली. मात्र त्याचा कोठेही थांग पत्ता न लागल्याने याबाबतची खबर वडिलांनी पोलिसांना दिली आहे.
तर सद्यस्थितीत त्याचे नातेवाईक त्याचा सर्वत्र शोध घेत असून तो कोणाला आढळून आल्यास 9420194005 या नंबर वर संपर्क साधावा, असे आवाहन त्यांनी केले आहे.