जागतिक साहित्य कला व्यक्तित्व विकास मंच सदस्य ज्येष्ठ लेखक कवी निवृत्त पोलीस अधिकारी वासुदेवराव खोपडे यांची काव्यरचना
आला शिशिर शिशिर
रान ऊजाळलं सारं
तरु वल्लीच्या डोयाले
कशी लागलिया धार !!
अंगाचीया लाही लाही
झाडं झालय नागड
पानं झडलिया सारी
आली आली पानगड !!
गावं गायरानात रे
कसं तांबडं फुटलं
केसरी आभाळ जसं
माळरानी उतरलं !!
रंगाची रे ऊधळण
सडा फुलांचा सांडला
रंगपंचमीचा सण
रानी पळस फुलला !!
उभ्या पळसात दिसे
कृष्ण मुरारी सावळा
रंगे रंगलारे रानी
रासक्रीडेचा सोहळा !!
वासुदेव महादेवराव खोपडे
सहा पोलीस उपनिरीक्षक(सेनी)
अकोला 9923488556
