वैभववाडी
उत्तरप्रदेश, उत्तराखंड, मणिपूर व गोवा राज्यांचा निवडणूक निकालाचा कल भाजपाच्या बाजूने लागताच वैभववाडीत भाजपा कार्यकर्त्यांनी मोठा जल्लोष केला. भाजपा कार्यालयासमोर कार्यकर्त्यांनी फटाके फोडत घोषणाबाजी केली.
यावेळी भाजपा तालुकाध्यक्ष नासीर काझी, सभापती अक्षता डाफळे, उपसभापती अरविंद रावराणे, उपनगराध्यक्ष संजय सावंत, बाळा हरयाण, हुसेन लांजेकर, प्राची तावडे, प्रकाश पाटील, बबलू रावराणे, किशोर दळवी, नवलराज काळे, दत्ताराम सावंत, सुंदरा निकम, यामिनी वळवी व कार्यकर्ते उपस्थित होते.यावेळी नासीर काझी म्हणाले, विरोधकांनी नरेंद्र मोदींचे नेतृत्व मान्य केले पाहिजे. त्यांच्या नेतृत्वाखाली यापुढे देखील भाजपाची विजयाची मालिका सुरुच राहील. शिवसेनेला नोटा पेक्षा कमी मते मिळाली आहेत. सेनेच्या वाट्याला काय काय येत आहे. याचे आत्मपरीक्षण त्यांनी केले पाहिजे.
