जागतिक साहित्य कला व्यक्तित्व विकास मंच सदस्या कवयित्री विद्या जगताप यांची काव्यरचना

क्षणिक विश्वास

श्वासातला” क्षणिक विश्वास” तो ..
तुम्ही ओळखता का त्याला..?
क्षणिक बसतो..
तुमच्या आमच्यावर.. .
देवावर ठेवतो अपेक्षांचे ओझे
दगडातला देवच तो..!
जीवाला जीव देणारा…
समोरचा आपला..
नात्यातला सक्खा !
मनातला आधार..
कधी खचतो..
कधी पडतो एकटा…
कधी निराधार.. !
सख्खे -परके जणू आपलेच
सातासमुद्रापारही जुळतात..
येतो कामाला अन वेळेला
जीवाला जीव देतो
आज हरवला तो
छोटयाशा चाळीत.. !
आज हरवला एका..
सुंदर फ्लॅटमध्ये… !
पहिले का हो कोणी..?
पोलीस स्टेशनंला तक्रार घेणार का हो?
कशी काय वाट चुकला .??
काय त्याचा रुबाब..
अहाहा. !
एकदम झक्कास !
मनापासून..
केले प्रेम त्यांच्यावर..
न सांगताच निघाले..
आपल्या गावी.. !
तुम्हाला सापडला तर…
ठेवा तुमच्या कुशीत !
मीही बघते..
कसा ‘एकला ‘पडतो तो !
आज त्याची सुट्टी…
नाही भेटला तर..
घेणार कट्टी… !
“एकला श्वासच तो….
आपल्यातला “क्षणिक विश्वास “….!!!
✍️ .. सौ. विद्या संदिप जगताप. जेजुरी, पुणे