सिंधुदुर्ग जिल्हा व सत्र न्यायाधीश यांचा निर्णय
कणकवली
शिवसेना कार्यकर्त्यांवर झालेल्या हल्ला प्रकरणी न्यायालयीन कोठडीत असलेल्या आमदार नितेश राणे यांना आज बुधवारी प्रमुख जिल्हा व सत्र न्यायाधीश एस.व्ही.हांडे यांच्या न्यायालयाने जामीन मंजूर केला.काल मंगळवारी जामीन मिळावा म्हणून आमदार नितेश राणे यांचे वकिल,जेष्ठविधीतज्ज्ञ सतीश मानशिंदे,वकील संग्राम देसाई यांनी युक्तिवाद केला होता.तर सरकारी पक्षाच्या वतीने वकील प्रदीप घरत,वकील साळवी यांनी युक्तिवाद केला होता. त्या नंतर आज निर्णय देतो असे न्यायालयाने सांगितले होते.त्यानुसार आज जामीन अर्जावर निर्णय देण्यात आला.
