*जागतिक साहित्य कला व्यक्तित्व विकास मंचचे जनसंपर्क अधिकारी लेखक कवी विलास कुलकर्णी यांनी लावणी रचना

तुम्हा पाहूनच बगा घोंगडं टाकलं
पावन रातच्याला केलं भाकर पिठलं l

तिखट खान्देशी मिरची शेतावरची
लसणीची चटणी ह्या गरिबा घरची
नव्या कांद्यानं डोळ्यात पाणी आणलं
पावन रातच्याला केलं भाकर पिठलं l

आंब्याच लोणचं वाढलं पहा ताटात
चवीला रुचकर पापड ठेवला भाजत
जाड भाकरीवर घरच लोणी वाढलं
पावन रातच्याला केलं भाकर पिठलं l

डाळ भिजलेली वाटली पाट्यावर
झुणका खमंग फोडणीचा तव्यावर
हळू हळू खावा इतक्यात कसं उरकलं
पावन रातच्याला केलं भाकर पिठलं l

विलास कुलकर्णी
मीरा रोड
२८.१.२०२२