वैभववाडी
नगरपंचायत निवडणुकीत मतदारांना दिलेला शब्द माजी नगरसेवक संताजी रावराणे यांनी पाळला. प्रभाग ८ मध्ये स्वखर्चाने स्ट्रीट लाईटचे पँनेल बसवून निवडणुकीत दिलेल आश्वासन पाळले आहे. नागरिकांनी याबद्दल त्यांच आभार मानले. वाभवे-वैभववाडी नगरपंचायतीची निवडणूक नुकतीच पार पडली. या निवडणुकीत प्रभाग ८ मधून भाजपचे संताजी रावराणे हे अपक्ष उमेदवार म्हणून रिंगणात होते. या निवडणुकी दरम्यान या प्रभागातील नागरिकांना सतावणारा स्ट्रीट लाईटचा विषय संताजी रावराणे यांना बोलून दाखवला होता. निवडणुकीनंतर या विषयाची पुर्तता केली जाईल अस आश्वासन श्री. रावराणे यांनी त्यावेळी दिले होते. निवडणुकीत पराभव होऊन देखील संताजी रावराणे यांनी मतदारांना दिलेला शब्द पाळला आहे. स्वखर्चाने या प्रभागात ८ लाईटचे पँनेल बसविले. त्यामुळे कित्येक दिवस अंधारात असलेला प्रभाग ८ प्रजासत्ताक दिनी प्रकाशमय झाला आहे.निवडणुकीत रावराणे यांनी दिलेला शब्द पाळल्याबद्दल त्यांचे नागरिकांनी आभार मानले.
