जागतिक मराठी साहित्य कला व्यक्तित्व विकास मंच सदस्या लेखिका कवयित्री परवीन कौसर यांची काव्यरचना

अलवार तुझ्या स्पर्शाची
जाणिव आज झाली
रखरखत्या उन्हात देखील
अंगावर मोहर उमटली

साजशृंगार करण्याची
हौस रुंजी घालते मनी
हळूच डोकावून पाहू वाटे
सजणाच्या गुलाबी नयनी

तुझ्यासाठी अजूनही
जपले आहे मी स्वतःला
होईल का सफल साधना
प्रश्न पडे या वेड्या मनाला

दाटलेले धुके पाहताना
डोळ्यात अश्रू उभे राहिले
गुलाबी थंडीच्या गारव्यात
मनाचे अंगण ओलावले

चांदण्यांच्या पावलांनी
घराचे अंगण सजवायचे
सुखाचा संसार मांडायचा
होते स्वप्न आपले दोघांचे

प्रेमाचा बहार येण्याआधीच
पानगळ सुरू झाली
मांडलेला डाव अर्ध्यावर
सोडून प्रित अधुरीच राहीली

✍🏻 परवीन कौसर
बेंगलोर….