देवगड तालुक्यात मौजे पडेल, पुरळ हुर्शी, पावणाई, जामसंडे येथे  कंटेन्मेंट झोन

सिंधुदुर्गनगरी :- 

देवगड तालुक्यातील मौजे पडेल कॅन्टिन सुलोचना शांताराम पडेलकर यांच्या घरापुरता परिसर, मौजे पुरळ हुर्शी घर क्र. 607 या घरापुरताचा परिसर  दिनांक 3 ऑक्टोबर 2020 पर्यंत, तसेच मौजे जामसंडे शिळोम घर क्र. 1803 या घरापुरता परिसर, मौजे पावणई घाडीवाडी घर क्र. 161 या घरापुरता परिसर, दिनांक 4 ऑक्टोबर 2020 पर्यंत कोरोना विषाणूचा प्रादुर्भाव टाळण्यासाठी कंटेन्मेंट झोन  म्हणून जाहीर करण्यात आला आहे.

सदर कंटेन्मेंट झोनमध्ये संबंधित दिनांकापर्यंत,सर्व आस्थापना, दुकाने, वस्तूविक्री बंद राहणार आहेत. तसेच या क्षेत्रामध्ये नागरिकांना येणे – जाणे व सर्व प्रकारच्या वाहनांना प्रवेश बंद असेल. हे आदेश अत्यावश्यक सेवा, सार्वजनिक वितरण व्यवस्था, वैद्यकिय उपचार व्यवस्था, बँक, सेवा देणारे अधिकारी, कर्मचारी व त्यांची वाहने यांना लागू राहणार नाही. तसेच सदर आदेशाचे उल्लंघन करणाऱ्याविरुध्द आपत्ती व्यवस्थापन कायदा 2005 कलम 51 व 58 अन्वये तसेच महाराष्ट्र पोलीस अधिनियम, 1951 चे कलम 71,139 तसेच भारतीय दंड संहिता (45 ऑफ 1860)  च्या कलम 188 अन्वये कारवाई करण्यात येईल, असे आदेश कणकवलीच्या उपविभागीय अधिकारी वैशाली राजमाने यांनी दिले आहेत.