कणकवली
अपघातात पाय गमावलेल्या तोंडवली-बावशी येथील सचिन सावंत याला जिल्हा बँकेचे अध्यक्ष सतीश सावंत यांनी मदतीचा हात दिला आहे. स्वयंरोजगार उपलब्ध व्हावा यासाठी इलेक्ट्रिक शिलाई मशीन त्याला उपलब्ध करून दिली आहे. यावेळी आमदार वैभव नाईक, शिवसेना नेते संदेश पारकर, तालुकाप्रमुख शैलेश भोगले, नगरसेवक कन्हैया पारकर, संदेश पटेल, राजू शेटये, आनंद ठाकूर शिवसेना कार्यकर्ते उपस्थित होते.
जिल्हा बँक अध्यक्ष सतीश सावंत यांनी बहुतांश युवकांना मदतीचा हात दिला आहे. त्यामुळे तोंडवली-बावशी येथील युवक सचिन सावंत याने २०१८ मध्ये अपघातात पाय गमावल्याने त्याच्यासमोर रोजगाराचा प्रश्‍न निर्माण झाला होता. त्यामुळे त्याने जिल्हा बँक अध्यक्ष श्री.सावंत यांच्याकडे आपल्याला शिलाई मशीन मिळाल्यास आपणास रोजगार मिळू शकतो, असे सांगितल्याने सावंत यांनी त्याला इलेक्ट्रिक शिलाई मशीन उपलब्ध करून दिली आहे. त्यामुळे या मशीनचा उपयोग करून सचिन सावंत यांना भविष्यात स्वयंरोजगार उपलब्ध होणार असल्याने त्याने जिल्हा बँक अध्यक्ष सतीश सावंत व शिवसेना नेत्यांचे आभार मानले.
