*कुडाळ मांडकुली गावचा सुपुत्र अक्षय कासले ठरला मानकरी*

दोडामार्ग एक्सप्रेस साहित्यिक मंच हि संस्था विशेषतः लेखक, कविताकार, साहित्यिक, अभिनेते व ईतर सामाजिक तसेच सांस्कृतीक क्षेत्रात काम करणार्यां लोकांसाठी कार्य करते. लाॅकडाऊनसारख्या परिस्थितीत सुद्धा त्यांनी विविध उपक्रम, ऑनलाईन स्पर्धांचे आयोजन केले होते. दोडामार्ग एक्सप्रेस साहित्यिक मंच यांच्या *पहिल्या वर्धापन दिनानिमीत्त* अनेक कलाकारांना विविध पुरस्कारांनी गौरविण्यात आलं. दसरा या शुभमुहूर्तावर दोडामार्ग एक्सप्रेस कलामंच यांच्याकडून कलाकारांना त्यांच्या कार्याबद्दल सन्मानचिन्ह व प्रमाणपत्र देऊन गौरविण्यात आले.

या प्रथम वर्धापन दिनानिमीत्त “राज्यस्तरीय कलारत्न पुरस्कार” २०२१ सुद्धा कुडाळ तालुक्यातील मांडकुली गावचे सुपुत्र श्री. अक्षय श्रीकांत कासले यांना जाहीर झाला आहे. त्यांच्या कार्याची दखल घेत हा पुरस्कार त्यांना प्रदान करण्यात आला. त्यांच्या अनेक काव्यरचना, कथा, साहित्य सुप्रसिद्ध आहेत, तसेच ते स्वतः नाटक, एकांकिका आणि चित्रपटाच्या माध्यमातून अभिनय क्षेत्रात पण नवोदित कलाकार म्हणून काम करत आहेत. त्यांच्या या कार्याचा आढावा घेऊन दोडामार्ग एक्सप्रेस साहित्यिक मंच यांच्याकडून हा सन्मान त्यांना प्रदान करण्यात आला आहे.