दुचाकी व मुद्देमाल वनविभागाच्या ताब्यात…
सावंतवाडी
पंधरा ते वीस किलो वजनाचे चंदनाचे लाकूड आंबोली पोलिसांकडून जप्त करण्यात आले आहे. तर तस्करी करणाऱ्या संशयिताला येथिल पोलिसांनी हटकल्यानंतर तो दुचाकी तेथेच टाकून पळून जाण्यास यशस्वी झाला. मात्र ते लाकुड जप्त करण्यास पोलिसांना यश मिळाले. ही कारवाई पहाटे दिड वाजण्याच्या सुमारास आंबोली दुरक्षेत्रावर करण्यात आली. दरम्यान दुचाकी व मुद्देमाल ताब्यात घेवून हे प्रकरण पुढील तपासासाठी वनविभागाकडे देण्यात आले आहे. तर संशयित गाडी नंबर वरून गोव्यातील असल्याचे समजते.
