असती आपुल्या मनात
विचार एक ना हजार
का जडतो हा मनाला
अट्टाहासाचा तो आजार
साध्य करण्या असाध्य ते
असावा व्यासंगाशी संग
संमर्पणाची मनी भावना
रहावे स्वकार्यातची दंग
संग करणे मानव गुणधर्म
खुले व्यक्तिमत्त्व प्रगतीने
ध्यास असता करावे कर्म
यश वैचारिक व्यासंगाने
अभ्यास अध्ययन असती
व्यासंगाचे ते खरे सोबती
वाचन मनन चिंतन करता
यशाची होते सहज प्राप्ती
व्यासंग समाजसेवेचा देतो
नाव गाव मानवास मोठे
व्यासंगात कधीच नसते
नुकसान ना कुठले तोटे
व्यासंग वाट नसे अनोळखी
व्यासंगाने तो जीवना आकार
एकमेवाद्वितीय घडे कार्य
करता व्यासंगाचा हा स्विकार
©[दिपी]
दीपक पटेकर, सावंतवाडी
८४४६७४३१९६
