जागतिक मराठी साहित्य कला व्यक्ती विकास मंचच्या सदस्या विविध पुरस्कार प्राप्त कवयित्री, लेखिका ज्योत्स्ना तानवडे यांची काव्यरचना

एकमेव तूची त्राता
गणनायका रे
सारी निवारी संकटे
विघ्नहर्त्या रे ||

दुःखे सारी लया जावो
सुखदायका रे
मार्ग निष्कंटक होवो
भवतारका रे
गणनायका रे ||

आकांक्षांना पंख मिळो
वरदायका रे
ध्येय मंदिर गाठू दे
बुद्धीदायका रे
गणनायका रे ||

तुझ्या कृपेची कामना
तारणहारा रे
आनंदाचे देई दान
भक्तवत्सला रे
गणनायका रे ||

ध्यास तुझा नित्य मनी
जगत्पालका रे
तव चरणी वास दे
तव बालका रे
गणनायका रे ||

ज्योत्स्ना तानवडे. पुणे