सावंतवाडी
सावंतवाडीचे तहसीलदार राजाराम म्हात्रे यांची तीन वर्षे पूर्ण होण्याअगोदरच तडकाफडकी बदली रत्नागिरी येथे करण्यात आली होती. मात्र त्यांची बदली करू नये असे सर्व स्तरातून व्यक्त होते. अखेर आज त्यांच्या बदलीला एक वर्ष स्थगिती देण्यात आली आहे. त्यामुळे सावंतवाडी तहसीलदार पदी राजाराम म्हात्रे कायम राहिले आहेत.
त्यांची बदली रद्द करावी यासाठी मुंबई मंत्रालय स्तरावर आमदार दीपक केसरकर यांनी जोरदार प्रयत्न केले. सावंतवाडीचे शिवसेनेचे शहर प्रमुख बाबू कुडतरकर यांनी म्हात्रे यांची बदलीला स्थगिती मिळावी यासाठी मुंबई गाठली होती. आमदार केसरकर यांच्या माध्यमातून महसूल मंत्री बाळासाहेब थोरात यांच्या मार्फत एक वर्षाची स्थगिती आणली आहे. म्हात्रे यांची बदली रद्द होताच सर्व स्तरातून समाधान व्यक्त करण्यात येत आहे.
