सिंधुदुर्गनगरी : 

वेंगुर्ला तालुक्यातील मौजे आरवली-सखेलेखोल येथील घर नं. 842 घरासभोवतालचा वर्तळाकार 25 मीटर परिसर व मौजे चिपी येथील घर नं. 66 घरासभोवतालचा वर्तळाकार 50 मीटर परिसर येथे दिनांक 26 सप्टेंबर 2020 पर्यंत, मौजे उभादांडा- भेंडमळा येथील घर नं. 1326  घरासभोवतालचा वर्तळाकार 25 मीटर परिसर येथे दिनांक 23 सप्टेंबर 2020  पर्यंत  कंटेन्मेंट झोन म्हणून जाहीर करण्यात आला आहे.

 वरील सर्व कंटेन्मेंट झोनमध्ये संबंधित दिनाकांपर्यंत  रात्री 12.00 पर्यंत सर्व आस्थापना, दुकाने, वस्तुविक्री बंद राहणार आहेत. तसेच या क्षेत्रामध्ये नागरिकांना येणे- जाणे व सर्व प्रकारच्या वाहनांना प्रवेश बंद असेल. हे आदेश अत्यावश्यक सेवा, सार्वजनिक वितरण व्यवस्था, वैद्यकिय उपचार व्यवस्था, बँक, सेवा देणारे अधिकारी, कर्मचारी व त्यांची वाहने यांना लागू राहणार नाही. तसेच सदर आदेशाचे उल्लंघन करणाऱ्याविरुध्द आपत्ती व्यवस्थापन कायदा 2005 कलम 51 व 58 अन्वये तसेच महाराष्ट्र पोलीस अधिनयम, 1951 चे कलम 71,139 तसेच भारतीय दंड संहिता (45 ऑफ 1860)  च्या कलम 188 अन्वये कारवाई करण्यात येईल, असे आदेश सावंतवाडीचे  उपविभागीय अधिकारी सुशांत खांडेकर  यांनी दिले आहेत.