दिगवळे रांजणवाडीत घरातील इतर दोघे सुदैवाने बचावले

कणकवली

कणकवली तालुक्यात पावसाचा जोर कायम आहे. त्यामुळे अनेक ठिकाणी पाणी भरून पडझड सुद्धा झालेली आहे. तर पहाटे कणकवली तालुक्यातील दिगवळे रांजणवाडी येथिल घाडे यांच्या घरावर दरड कोसळल्याने त्या घरातील एका महिलेचा मृत्यू झाला आहे.यामध्ये एक पुरुष जखमी देखील झाल्याची घटना समोर आली आहे.
या घरातील इतर दोघे सुदैवाने बचावले असून जखमीवर नाटळ येथे उपचार सुरू असल्याचे समजते आहे.

घटनेची माहिती मिळताच प्राताधिकारी वैशाली राजमाने,महसूल विभागाचे तहसीलदार रमेश पवार, महसूल कर्मचारी, तसेच जि. प. माजी अध्यक्ष संदेश सावंत, कणकवली शिवसेना तालुका प्रमुख प्रथमेश सावंत, आनंद आचरेकर, ग्रामस्थ आदींनी धाव घेतली. यामुळे त्यांच्या घराचे नुकसान झाले असून घरावरील दरड हटवण्याचे काम युद्ध पातळीवर सुरू आहे.