भाजपा नेते तथा सिंधुदुर्ग जिल्हा बँक संचालक अतुल काळसेकर यांनी दिल्लीत घेतली राणेंची भेट

आपल्या सिंधुदुर्ग जिल्ह्याचे सुपुत्र, महाराष्ट्राचे माजी मुख्यमंत्री, आणि आमचे मार्गदर्शक मा.ना.नारायणराव राणे तथा सर्वांचे लाडके दादा यांचा केंद्रीय मंत्रिमंडळात एम एस एम ई चे कॅबिनेट मंत्री म्हणून समावेश झाला आहे. हा केवळ सिंधुदुर्गचाच नव्हे तर अवघ्या महाराष्ट्राचा सन्मान आहे, असे श्री अतुल काळसेकर यांनी पत्रकारांशी बोलताना सांगितले.
मा. दादा आपल्या प्रदीर्घ राजकीय अनुभवातुन चांगल्या प्रकारे देशाला, पर्यायांने उपक्रमशील उद्योजकांना न्याय देऊ शकतील. त्यांच्याकडे सोपवण्यात आलेल्या सूक्ष्म, लघु आणि मध्यम उद्योग प्रणालीत
जिल्ह्यातील मत्स्य व्यवसाय, फळप्रक्रिया व्यवसाय,पर्यटन व्यवसाय, खादी ग्रामोद्योग,व इतर लघु उद्योगाना आणि त्या अनुषंगाने व्यवसाय करू इच्छिणाऱ्या नव उद्योजकांना या खात्याच्या माध्यमातून मोठ्या संधी उपलब्ध होतील. केंद्र शासनाच्या आत्मनिर्भर अभियानाला यामुळे खऱ्या अर्थाने गती प्राप्त होईल. राणे साहेबांचे या खात्याचे मंत्रीपद ही आपल्या जिल्ह्यासाठी सुसंधी आहे, असे अतुल काळसेकर म्हणाले.

आज दिल्ली मुक्कामी जाऊन त्यांनी दादांची सदिच्छा भेट घेतली. यावेळी सोबत मा प्रमोद जठार, मा अजितराव गोगटे, संघटन सरचिटणीस प्रभाकर सावंत उपस्थित होते.