रसरशीत आंबट गोड,
तुरट रायवळी आंबो.
सालपाटा सोलून काढून,
मास वरबाडून घेता.
ताच आंब्याचा रायता…

फोडणी घालून टोपात,
रस फोडणेत घालता.
सोलकाटलेले आंबे रसात
तिखटा वांगडा सोडता.
ताच आंब्याचा रायता…

कोकणी जेवणात खोबरा,
नाय असा होनाच नाय.
वाटाप तिकट खोबऱ्याचा,
आमटेक चव हाडता.
ताच आंब्याचा रायता..

गोरो गोमटो आंबो,
गॅसार रसात उकाडता.
उकळ काढीत बुडबुडो,
आंबे शिजलेले दाखयता,
ताच आंब्याचा रायता…

घराच्या पडयेत आंबे,
आडयेर आडये घालता.
तरीय टोपात शिजलेल्या,
आंब्याक मिटके मारता.
ताच आंब्याचा रायता…

चेडू येव नायतर जावय,
पावण्याच्या पुढ्यात वाढता.
तिखट आसला तरी ता,
खावन कितक्याय पचयता.
ताच…..
होय ताच आंब्याचा रायता.

(दिपी)✒️
दीपक पटेकर
८४४६७४३१९६