नगराध्यक्ष संजू परब यांच्यासह राजन तेली व पदाधिकाऱ्यांनी केली पाहणी
सावंतवाडी
सावंतवाडी शहरातील नगरपालिकेच्या जिमखाना मैदानावरील बॅडमिंटन हॉलमध्ये २५ ऑक्सिजन बेडच कोवीड केअर सेंटर उभारण्याचा निर्णय सावंतवाडी नगरपरिषदेच्या माध्यमातून घेण्यात आला आहे. या भूमीवर बॅडमिंटन हॉलच्या जागेची नगराध्यक्ष संजू परब यांच्यासह भाजप जिल्हाध्यक्ष राजन तेली, आरोग्य सभापती सुधीर आडिवरेकर, मुख्याधिकारी जयंत जावडेकर यांनी पहाणी केली. यावेळी शहर मंडल अध्यक्ष अजय गोंदावळे, नगरसेवक आनंद नेवगी, बंटी पुरोहित, केतन आजगावकर आदी उपस्थित होते.
कोरोनाची वाढती रूग्णसंख्या लक्षात घेऊन हा निर्णय घेण्यात आला आहे. या कोविड केअर सेंटरसाठी आयुर्वेद कॉलेज, जिल्हा परिषद, खासगी डॉक्टर तसेच भाजपच्या सर्व संस्थांचं सहकार्य मिळणार आहे. येत्या १० दिवसांत हे सेंटर उभारण्यात येणार असून रूग्णांना मोफत वैद्यकीय सेवा मिळणार आहे
