तौक्ती वादळामुळे सिंधुदुर्ग जिल्ह्यात ठिकठिकाणी विद्युत व्यवस्था कोलमंडलेली आहे. पोल पडले आहेत, वाहिन्या तुटल्या आहेत मोठ्या प्रमाणात नुकसान झाले आहे. व जिल्ह्यातील विद्युत पुरवठा खंडित झालेला आहे. याची दखल घेऊन विद्युत पुरवठा सुरळीत व्हावा याकरिता शिवसेना सचिव, खासदार विनायक राऊत  यांनी विद्युत अभियंता व विद्युत कामगार यांच्या १० टीम म्हणजे १५० माणसे मंडणगड, दापोली व मुंबई येथून उपलब्ध करून दिलेली आहेत. या टीम आज संध्याकाळी सिंधुदुर्ग जिल्ह्यात दाखल होतील व उद्यापासून प्रत्यक्ष कामाला सुरुवात होईल अशी माहिती खासदार मा. विनायकजी राऊत यांनी शिवसेना तालुका संघटक श्री बबन बोभाटे याना दूरध्वनी द्वारे दिली आहे.