नवीन लसीकरण केंद्र चालू केल्याबाबत नागरिकांत समाधान
वेंगुर्ले
वेंगुर्ले तालुक्यातील ऊभादांडा जि.प.मतदार संघात प्राथमिक आरोग्य केंद्र नसल्याने कोरोना लसीकरणात या भागातील सर्व जेष्ठ नागरिकांना तसेच १८ ते ४४ वयोगटातील व्यक्तींना वंचित राहावे लागत होते. या भागातील नागरिकांच्या सोयी सुविधेच्या दृष्टीने आज गुरुवारी पासून शासनामार्फत लसीकरण मोहीम राबविण्यात आली. परबवाडा उपकेंद्र लगतच्या परबवाडा शाळा नं. १ व परबवाडा ग्रामपंचायतच्या परिसरात भव्य पटांगण व भव्य हाँलमध्ये शासनाकडून प्राप्त झालेल्या १५० कोवीशिल्डचे लसीकरण शांततेत व गर्दी बोजवारा न होता व्यवस्थित पार पडले.
