सिंधुदुर्गनगरी 

कणकवली शहरात 3 ठिकाणी कंटेन्मेंट झोन जाहीर करण्यात आले आहेत. सदर कंटेन्मेंट झोन पुढील प्रमाणे आहेत.  टेंबवाडी राणे सदन, सिद्धार्थनगर, चौंडेश्वरी अपार्टमेंट येथे दिनांक 11 मे 2021 रोजी पर्यंत कंटेन्मेंट झोन लागू करण्यात आली आहेत.

कणकवली तालुक्यात 16 ठिकाणी कंटेन्मेंट झोन जाहीर करण्यात आले आहेत. सदर कंटेन्मेंट झोन पुढील प्रमाणे आहेत.  खारेपाटण – शिवाजी पेठ, फोंडा – कोरगावकरवाडी, करंजे – तेलीवाडी, तळेरे – गावठाण, खारेपाटण – संपूर्ण संभाजीनगर, कळसूली – तिसगवाडी, कलमठ – कुंभारवाडी, वरवडे – परबवाडी, वरवडे – तेलीवाडी, बोर्डवे – बामणवाडी येथे दिनांक 11 मे 2021 रोजी पर्यंत, तर नांदगाव – बिडयेवाडी येथे दोन ठिकाणी, नांदगाव – मधलीवाडी, वागदे – सावरवाडी, कलमठ – बँक कॉलनी, ओसरगाव – गवळीवाडी येथे 10 मे 2021 रोजी पर्यंत कंटेन्मेंट झोन जाहीर करण्यात आले आहेत.

          सदर कंटेन्मेंट झोनमध्ये जाहीर करण्यात आलेल्या दिनांकापर्यंत सर्व अस्थपना, दुकाने, वस्तुविक्री बंद राहणार आहे. तसेच नागरिकांच्या येण्या-जाण्यास व सर्व प्रकारच्या वाहनांना प्रवेश बंद असेल. सदर आदेश अत्यावश्यक सेवा जसे सार्वजनिक वितरण व्यवस्था, वैद्यकीय उपचार व्यवस्था इ. वितरीत करणारे, सेवा देणारे अधिकारी, कर्मचारी व त्यांच्या वाहनांना लागू असणार नाहीत. या आदेशाचा भंग केल्यास संबंधितांविरुद्ध  आपत्ती व्यवस्थापन कायदा 2005 मधील कलम 51 व 58, तसेच महाराष्ट्र पोलीस अधिनियम 1951 मधील कलम 71,139 आणि भारतीय दंड संहिता (45 ऑफ 1860) च्या कलम 188 अन्वये कारवाई करण्यात येईल असे आदेश कणकवलीच्या प्रांताधिकारी वैशाली राजमाने यांनी दिले आहेत.