*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी चंद्रशेखर कासार लिखित अप्रतिम काव्यरचना*

*गावाकडचा दिवस* 

वासुदेव आला वासुदेव आला

देवकीनंदन गोपाला म्हणत

सकाळी गाव जागवीत आला

गारुडी आला गारूडी आला

टोपलीत नागोबा घेऊन आला

पुंगी वाजवून नागाला डोलवू लागला

मदारी आला मदारी आला

माकड अस्वल घेऊन आला

इशाऱ्यावर त्यांना नाचवू लागला

डोंबारी आला डोंबारी आला

उंच दोरीवर अधांतरी चालत

कसरतीचे खेळ दाखवू लागला

बहुरूपी आला बहुरूपी आला

वेषांतर करून गावभर फिरला

मनोरंजन गावकऱ्यांचे करून गेला

गावाकडचा दिवस रोजच

असा रमत गमत मजेत गेला

शहरात तो फक्त धावपळीत हरवला

कवी :-

*चंद्रशेखर प्रभाकर कासार*

*चांदवडकर, धुळे.*

७५८८३१८५४३.