*ज्येष्ठ कवी मोहन मराठे लिखित अप्रतिम विडंबन गीत*
*”देवा मला पावशील का?”*
पाटेकर देवा मला पावशील का?
नेत्यांना चांगली “बुध्दी” देशील का? /१/ धृ
रस्ता कमी” खड्डे” ज्यादा
मोडून गेली “हाडे”
मणक्यांच्या आजारांवर
“डॉक्टर ” बांधती वाडे
सगळा “निधी ” जातो कुठे
सांगशील का? /२/ नेत्यांना.
“निवडणूक” येते तेव्हा
आश्वासने गोड
पावसाचे कारण सांगून
राहून जातो “रोड”
सगळा निधी जातो कुठे
सांगतील का? /३/ नेत्यांना
आले किती,गेले किती
पुन्हा “तेच तेच ”
विकासाचे काय होते
जनतेला पेच
सगळा निधी जातो कुठे?
सांगतील का. /४/. नेत्यांना
“अत्यवस्थ” रुग्ण जेव्हा
सुंदरवाडीस असतो
GMC च्या वारी शिवाय
पर्यायच नसतो
सगळा निधी जातो कुठे?
सांगतील का. /५/ नेत्यांना
“जनतेच्या गैरसोयी
यांच्या सुखसोयी ”
शेतं पिकण्यावेळी त्याला
कुंपणच खाई.
सगळा निधी जातो कुठे?
सांगतील का? /६/ नेत्यांना
पुरे झाले माझे रडणे
पुरे “वात्रटिका”
सुंदर “खड्ड्यांमुळे”झाला
अहो ” सायाटिका”
सगळा निधी जातो कुठे?
सांगतील का? /७/ नेत्यांना
पाटेकर देवा मला पावशील का?
नेत्यांना चांगली बुध्दी देशील का….
सुप्रसिद्ध गायक:- स्व. प्रल्हाद शिंदे यांच्या ” आता तरी देवा मला पावशील का” या गाण्याचीच चाल घेऊन व स्व. प्रल्हाद शिंदे यांची माफी मागून.. हे काव्य ” सुंदरवाडी तील रस्त्यांना समर्पित…
रचना:- मोहन मराठे.
