*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी बाबा ठाकूर लिखित अप्रतिम काव्यरचना*

*सुर्याधंळा …!!*

नेशील कां मला समुद्रावर

स्पर्श करायचा मला त्या सुर्याला

प्रकाशलेल्या लाटा लाथाड्याच्या

जाब विचा-याचा.. त्या सुर्याला

तापलेल्या वाळूला.. तुडवायच

सुर्याच्या जन्माचा मातम मनवायचा

त्याच्यावर मला थुंकायचं …

मला त्याच्यावर थुंकायचं…

त्याच्या विझण्याचा जलौष करायचा

सुर्याला शिव्या शाप द्यायच्या मला

त्याची गचांडी धरून जाब विचा-याचा

अन् एक ..मुस्काडात द्यायची त्याला

माझ्या डोळ्यांत कां नाही उगवलास?

अरे! माझा तर एकचं जन्म !

तुझे अस्तित्व तर अनेक जन्माचे !

कोणत्या जन्मी फेडशील हे पाप ?

अरे सांग मला !सांग रे मला

कां नाही… उगवलास

तू ……माझ्या डोळ्यांत ?

कुठे फेडशील हे पाप…!!

कां..उगवलास नाही माझ्या डोळ्यांत

बाबा ठाकूर