पालकमंत्री नितेश राणे यांचा १५ एप्रिल रोजी सिंधुदुर्ग जिल्हा दौरा

कणकवली
राज्याचे मत्स्यव्यवसाय व बंदरे विकास मंत्री तथा सिंधुदुर्ग जिल्ह्याचे पालकमंत्री नामदार नितेश राणे हे बुधवार, १५ एप्रिल रोजी सिंधुदुर्ग जिल्ह्याच्या दौऱ्यावर येत आहेत.
या दौऱ्यात ते जिल्ह्यातील नियोजित विविध कार्यक्रमांना उपस्थित राहणार असून, संबंधित कामांचा आढावा घेणार आहेत. तसेच स्थानिक पातळीवरील विकासकामे, शासकीय योजना आणि प्रलंबित विषयांबाबत अधिकारी व पदाधिकाऱ्यांशी चर्चा करणार आहेत.
पालकमंत्र्यांच्या या दौऱ्यामुळे जिल्ह्यातील विविध प्रश्नांना गती मिळण्याची अपेक्षा व्यक्त करण्यात येत आहे. प्रशासनाने दौऱ्याच्या पार्श्वभूमीवर आवश्यक ती तयारी पूर्ण केली असून, कार्यक्रमांची आखणी करण्यात आली आहे.