*ज्येष्ठ कवी मोहन मराठे लिखित अप्रतिम काव्यरचना*

*”थांबवी हे समर आता”*

हे “युद्ध” आता थांबवी रे

उठ तू दयाघना

नेत्री अश्रू आणूनी मी,

करितो तुज ही प्रार्थना. /१/

माणसानै माणसाशी,

स्वार्थ येथे साधला

आग ओकूनी, शस्त्र आली

काय होती यातना. /२/

विश्व सारे आज येथे

भयभीत आहे “केशवा”

सुबुद्धी च्या “वेणू नादे ”

डोलवी”नर जीवना”. /३/

षड्रिपूंचा” स्पर्श आहे

आज येथे जाहला

युद्ध घडवूनी काय केले

साध्य तू विचारी मना. /४/

थांबवी हे “समर” आता

थांबवी “संहार” हा

नेत्री अश्रू आणूनी मी

करितो तुज ही प्रार्थना /५/

तप्त ऐशा वसुंधरेला

तोषवी “शित गारवा”

मानवाच्या या मतीला

तोषवी तू वामना. /६/

नेत्री अश्रू आणूनी मी

करितो तुज ही प्रार्थना…….

रचना:– मोहन मराठे..

सर्वांचं अस्तित्व नष्ट करणारे हे युद्ध हे परमेश्वरा आता थांबू दे…. युद्ध कर्त्यांना मानवतेची, प्राणीमात्रांची कीव येऊ दे…..या पृथ्वी मातेच्या पोटावर होणारे दाहक घाव शांत होऊ दे……