*ज्येष्ठ साहित्यिक मोहन मराठे लिखित अप्रतिम काव्यरचना*

*” ग्राम रक्षक अधिपती “*

नवसाला पावणारा, हाकेला धावणारा

श्री उपरलकर देव माझा. /धृ/

ग्रामे रक्षी तो,तीनशे पासष्ट

कळी काळाचा, इलाज स्पष्ट

कधी न चाले,भ्रष्टा भ्रष्ट

संस्थानिक “राजांचा राजा ” /१/ धृ

जेव्हा होते,मती कुंठित

दु:ख समस्या,मन आक्रंदित

सैरभैर मन,सुखाशी वंचित

हृदयापासून गर्जा. /२/ धृ

उच्च निच,नसे भेदभाव

जया ठायी वसतो,बुद्धीचा अभाव

तयांसी दावी दंड प्रभाव

तो हा खचित देव माझा /३/ धृ

शेष छत्र अन्,पटका साधा

घोंगडी लेवून,शोभे खांदा

सुती धोतर आणिक कुर्ता

भेदक तरीही,दयार्द्र राजा /४/ धृ

मोह न ठेविता,गुंफिले पुष्प

श्रद्धा भक्ती चा त्यात सुगंध

आज ओवाळितो,देह पंचारत

मी दास आजन्म त्याचा /५/ धृ

रचना:– मोहन मराठे