*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री अरुणा दुद्दलवार लिखित अप्रतिम काव्यरचना*
*पूर्वीसारखी पाखरं*
पूर्वीसारखी पाखरं
दिसत नाही आता
झाडांची करता
कत्तल……!!🕊️
चिवचिवती पाखरं
फांदीवर घेतात झोके
मानवाने धोके
निर्मिले….!!🕊️
सिमेंटच्या जंगलात
पाखरांना नाही जागा
करतात त्रागा
मूकपणे….!!🕊️
पिल्लांना खाद्य
हिरवाई कुठे दिसेना
अन्न मिळेना
कुठे…..!!🕊️
पाखरं बिचारी
माणसांवर रुसून बसली
संख्या झाली
कमी…..!!🕊️
ओकंबोकं झाड
पाखराविना वाटे उदास
वळचण भकास
दिसली….!!🕊️
घरातील पाखरंही
दूरदेशी निघून गेली
माया आटली
त्यांचीही…..!!🕊️
प्रेमाची आपुलकीची
वनराई यावी बहरून
पाखरं फिरून
यावीत…..!!🕊️
☘️🌿🪵🪵🌱🕊️🌱🪵🪵
*अरुणा दुद्दलवार✍️*
